بكت بكتّني...بنغازي

بكت بكتّني ..
بنغازي الحبيبه لنقانها وجعتني
بعــــــــــد كل ما دارت....بكت بكتّني
والله ماتستاهل....
هرمنا مغير نقول عادي ساهل
وللــــي ايخرب انقوله ياجاهل
روحي فداها بنغازي إللي ربتّني

بكت بالصوت ......
بكّت معاها كل الرفق والخوت
يا صاحبي بالله فات الفوووت
راني معاها ولأجلها للموووت
كم من مواقف للحياة ردتّني
ما تبكيش
مـــن حيـيـنـــا والــليـثــي والــكيــش
والبركة وسيدي حسين وأرض أقريش
وكل المناطق فيك . معاك غير اتعيش
اللي ما يوم عمرها نسْيَتّني ..
نحن معاك ..
وكل شي نعطـوه راه فـداك
ترخص الدنيا وما يهون رجاك
كل الكنوز والله مـا تســواك
يللي بغلاها فالقلب حطتّني ..
سواء تفجير
وإلا إغتيـال وقتــل مــالأخيــر
راني معاك واللي يصير يصير
يــا شــرارة ثــورة الـتـكـبـيــر
ومزال تنقال (( مزالت الدنيا بخير ))
بنغازي حنونه وبحبها غمرتّني

بكت بكتني ...بنغازي الحبيبه لنقانها وجعتّنى
.